almost 3 years ago

(感謝 輔仁網 / 熱血時報 / 評台 / 主場新聞 轉載)

教育局一篇「含糊不精準」嘅報道[1],令到全香港嘅人再次意識到保護粵語[2]嘅重要性。大家不妨趁呢個機會,釐清吓關於廣東話嘅錯誤觀念。

1. 唐朝嘅人係咪講廣東話?

用廣東話讀唐詩押韻, 就係人都知。噉但係李白杜甫究竟係咪講廣東話?經過百幾年嘅語言學研究[3],大家約略估到唐初年間,中古漢語嘅大概嘅發音:

Read on →
 
almost 3 years ago
TefuTefu

近排喺中環見到呢間叫做TefuTefu嘅美容護膚牌子。Logo係一隻蝴蝶飛翔嘅圖案。唔講唔知,其實TefuTefu係日文「蝶」嘅舊寫法

現代日文叫蝴蝶做「ちょうちょう (chōchō)」,但係喺1945年之前一直寫做「てふてふ (tefutefu)」。呢一個寫法其實反映咗日語喺過去千幾年,其實經歷咗好大嘅語音轉變。

Read on →
 
almost 3 years ago

好多人未必知道,法國其實係一個多語言國家。

法國語言分佈圖

除咗Langue d'Oïl (包括標準法語同好多相近嘅語言),仲有東北部嘅Breton,南部嘅Gascon, Occitan, Basque 等等唔同嘅語言。

可惜因為法國推崇國家主義,喺大法國主義底下,團結必然要「一國一語」,法語備受推崇,喺憲法入面有特殊地位,而其他語言就被視為國家發展嘅絆腳石。根據最新憲法規定,法語以外嘅語言唔可以用做學校嘅授課語言,街上面所有告示都一定要寫法文,公共廣播亦都要使用法語。

Read on →
 
almost 3 years ago

原文載於 輔仁網

近日見到幾篇討論本港粵語環境嘅文章。大家都意識到,喺香港「兩文三語」嘅政策底下,學校為咗加入普通話部份,粵語嘅生存空間受到嚴重壓迫,學校基本上只教「兩文兩語」,中文科用普通話教,其他學科用英文教,基本上完全冇咗粵語嘅教育。一隻語言被學校唾棄,係死亡嘅前奏。我眼見嘅係大家急不及待去寫定訃文哀悼粵語嘅死亡。如果你我有心保存粵語文化,趁仲有得救,點解唔去做一啲能力所及嘅嘢,試吓冇轉機呢?

如果用人嘅生命去比喻語言,有啲語言經已病入膏肓,處於彌留之際,得返一兩個人識講,唔知可以擺幾耐。有啲語言情況轉差,但係仲有好多人講,只不過係話者減少,係病,但係未即刻死。粵語係後者,但係唔知點解粵語人對自己嘅語言就好似對末期病人一樣,一味做善終護理。一眾文化人,其實粵語未死,粵語依然係香港嘅實質(de facto)官方語言/共通語。而家做嘢嘅話,可能有得救。

Read on →
 
about 3 years ago

試下用Chrome Double click下面嘅字,你會發現喺「馬」字上面double click,會highlight「馬達加斯加」,但係喺「倫」字上面double click,就只係會highlight「倫敦」。佢哋喺斷字辨認方面準確度都幾高。所以我想試吓究竟佢哋係點做,同埋究竟係咪辨認到粵語台語日文呢啲其他漢字語言。 影片示範

專有名詞

我去咗倫敦波哥大加爾各答馬達加斯加美索不達米亞符拉迪沃斯托克睇林忌奧巴馬新垣結衣波多野結衣同愛新覺羅努爾哈赤仲有陳奕迅黃夏蕙羅蘭姐趙本山野比大雄薩卡什維利格奧爾基馬爾格韋拉什維利用google map搵鰂魚涌杏花邨炮台山銅鑼灣油麻地深水埗調景嶺望夫石屯門大圍黃竹坑蔡厝港碧山裕廊喺邊

分析:上面用咗各國地名、歷史人物去測試專有名詞砌咗一句好長好長嘅句子。我專登冇用標點去測試佢嘅segmentation。你會發現國家名同知名人物嘅名都可以認到。似乎長度上有限制長過6個字或者新出現嘅地名人名似乎會有問題 (美索不達米亞、符拉迪沃斯托克、薩卡什維利、格奧爾基‧馬爾格韋拉什維利)。另外地區名 (例如香港嘅「鰂魚涌」,新加坡嘅「蔡厝港」)似乎辨認唔到。人名會分開「姓」同「名」,例如可以試吓上面兩個結衣BB嘅名都係斷開(雖然google波多野應該頭十個關鍵詞都一定係有「結衣」喺後面,但係click 「波」只會highlight姓氏「波多野」)。另外中國大陸嘅名似乎會拆得好過其他名。上面「趙本山」嘅「本山」佢會認到,但係陳奕迅嘅「奕迅」就認唔到。

Read on →
 
about 3 years ago

講到香港人嘅優點,頭幾位不外乎係做嘢快、有效率、肯捱肯搏。
喺全球最有效率嘅城市入面,讀最高學府,過三爆四入癲list嘅天之驕子,當然亦都有齊晒上面嘅優點。
寫緊呢篇文嘅我,亦都係其中一份子。

凡事都講求效率嘅我,當然用咗同樣原則過我嘅大學生活。Undergrad三年,我就係用最短時間,用最少effort,去完成個degree。我當時嘅目標係,用最快速度讀post grad,26歲拎PhD然後喺大學教書,之後就不斷加人工,住洋樓飲洋酒 (no 我絕對唔會養番狗),每日返2個鐘工一直去到退休。

最高效率自學coursework

要實現呢個咁宏大嘅目標,第一步就係要完成個大學學位。

(好,講返效率) 如果你睇書夠快,上堂一定係低效率嘅活動。
假設你係知識分子,得閒會上吓TED聽吓talk嘅話,你會發現一個好嘅演講,1分鐘大概有160字。眾所周知港大用英文(English)教學,一轉台用英文,為咗遷就部份非英語學生或多或少速度都會打個7折,所以一個課堂可能只係得 100wpm (小弟打字都唔只呢個速度)。一堂兩節總共100分鐘,即係講足全場都係得10000字。10000字係 10-20分鐘可以讀完嘅份量。我何苦要搭一個鐘車來回,再坐兩個鐘,去聽一啲我用20分鐘可以學到嘅嘢?一個sem13堂,13 x 20min = 260min,即係話返兩堂嘅時間,我就可以自己學晒一個course嘅嘢。

Read on →